وهو احد انواع الخبز الايطالية
المقادير:
3 كوب طحين ونص
ملعقة خميرة فورية كبيرة
ملعقة سكر كبيرة
ذرة ملح
ملعقة ونص كبيرة زيت زيتون ( لازم زيت زيتون فقط)
كوب ونص ماء دافئ
طريقة التحضير :
اول شي بنخلط كل المكونات الجافه سوا منيح وبعدين بتضيفي الزيت وبتخلطي وبعدين الماء شوي شوي يمكن تحتاجي اقل حسب نوع الطحين حتى يتكون معك عجين طري وناعم وحلو
ادهني صحن عميق بزيت وحطي عليه العجين وادهنيها بشوية زيت وغطيها تخمر لحتى تتضاعف تقريبا بدها 40 دقيقة
بعدين بصينية خبز (مدورة احلى) بتفردي العجينية بايديكي وبتخليها سميكه شوية وبتخليها ترتاح كمان شي نص ساعه
وبعدين بتعملي فيها خزوق باصابعك وبتعطيها رشة ملح صغيرة ورشة زعتر ناشف وبتحطي فيها قطع بندورة صغار وبتثبتيهم بالعجينة واذا عندك زيتون اسود وكمان توم (حسب رغبتك )وبترشي الوجه زيت زيتون وبتدخليها على فرن محمى على 180 بالرف الاوسط
ما بتاخد وقت بدها عشر دقائق وبعدين على الشواية يمكن دقيقة
وصحة وعافيه
يؤكل سخن ولما يطلع من الفرن اعطيه رشة زيت زيتون كمان ممممممم هو اساس طعمتة زيت الزيتون
0 التعليقات:
إرسال تعليق